Надзорот над примената на Законот за општата управна постапка, Законот за инспекциски надзор и другите закони што содржат одредби за управната постапка. опфаќа надзор над:

-       навременото, економичното и ефикасното остварување на правата и интересите на граѓаните и другите учесници во управната постапка во решавањето на управните работи;

-       постапувањето во пропишаните рокови во првостепената и второстепената управна постапка, како и во роковите определени со акти на судските органи;

-       вклучувањето на заинтересираните странки во управната постапка заради заштита на нивните права и интереси;

-       обезбедувањето на докази по службена должност од службената евиденција што ја води органот надлежен за решавање, друг државен орган, правни и други лица кои имаат јавни овластувања, општините и градот Скопје;

-       извршувањето на правосилните управни акти;

-       наплатата на трошоците во управната постапка;

-       примањето на поднесоците;

-       издавањето на уверенија и други јавни исправи за одредени факти од службената евиденција;

-       стручната подготовка на државните службеници и вработените кои преземаат дејствија во управната постапка;

-       доставувањето на управните акти и другите писмена;

-        начинот на однесувањето и работењето на административните службеници и вработените, со цел да се обезбеди почитување на принципите на законитост, професионален интегритет, ефикасност, одговорност и лојалност при вршењето на нивните службени должности;

-        спроведувањето на мерките на надлежните органи за подобрување на работата при решавањето на управните работи и

-        употребата на јазиците на странките во управната постапка, правната помош меѓу органите и другите учесници во управната постапка и други работи утврдени со Законот за општата управна постапка и другите закони. 

Надзорот во однос на Законот за вработените во јавниот сектор, Законот за административни службеници на овој член опфаќа надзор над:

-        постапката за донесување на актите за организација и систематизација на работните места во институциите на јавниот сектор;

-        редовното ажурирање на податоците во Регистарот на вработените во јавниот сектор од страна на секоја институција на јавниот сектор, а кои се однесуваат на самата институција и на нејзините вработени, кое ажурирање се врши преку информациониот систем за управување со човечки ресурси кој го води Министерството за информатичко општество и администрација;

-       постапката за донесување на годишните планови за вработување во институциите на јавниот сектор и доставувањето на извештаите за реализација на годишните планови;

-        формата и содржината на огласите за вработување во институциите на јавниот сектор;

-        постапката за вработување на административни службеници;

-        постапката за унапредување на административни службеници;

-        постапката за мобилност на административни службеници;

-        стручното усовршување на административните службеници;

-        постапката за управување со ефектот на административните службеници;

-        постапката за утврдување на дисциплинска и материјална одговорност на административните службеници;

-        постапката за престанок на работниот однос на административните службеници;

-        постапката по жалби на административните службеници и

-        другите прашања во врска со статусот на административните службеници.

Надзорот над извршувањето на прописите за канцелариското работење опфаќа надзор над:

-  приемот, прегледувањето и распоредувањето на документи/записи,

-  заведувањето на документите/записите,

-  доставувањето на документите/записите во работа,

-  административно-техничкото обработување на документите/записите,

-  испраќањето на документите/записите,

-  разведувањето и класифицирањето на документите/записите и

-  одлагањето на решените документи/записи во писарницата. 

Надзорот се врши во органите на државната и на локалната власт и други државни органи основани согласно со Уставот и со закон и  институциите кои вршат дејности од областа на образованието, науката, здравството, културата, трудот, социјалната заштита и заштитата на детето, спортот, како и во други дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Северна Македонија или од општините, од градот Скопје, како и од општините во градот Скопје.